)
)
)
)
NiZuGu MUgituz: Hamabostaldi tematikoak
NiZuGu MUgituz Mondragon Goi Eskola Politeknikoaren ekimena da eta helburu gisa du ikaslegoaren garapen pertsonal eta profesionala sustatzea gizarte formatuago, justuago eta solidarioago bat eraikitzeko.
Horretarako, NiZuGu Mugituz ekimenak bat egiten du Nazio Batuen Elkarteak bultzatutako Garapen Iraunkorrerako Helburuekin eta urtero 3 ziklo antolatzen ditu interes orokorreko gaien inguruan eztabaida-saio, dinamika, erakusketa, solasaldi edo workshop ezberdinak proposatuaz.
Internazionalizazioa
2023: Azaroak 6 - 17
Balioak
2024: Otsailak 12 - 23
Lan orientazioa
2024: Maiatzak 6 - 17
Nazioarteko ikasketa esperientzia aukerak ezagutzeko baliogarria da, baita egonaldi hauek eskaintzen dituzten nazioarteko erakundeak identifikatzeko eta aldez aurretik horrelako esperientzietan parte hartutako ikasleen bizipenak lehen eskutik entzuteko ere.
Gaur egun dugun gizartearen inguruan, nahiz etorkizunean izango dugunaren inguruan hausnartzea bultzatzen du, batez ere, pertsonak mugiarazten dituen balioak eta printzipioak ardatz hartuta. Erakunde sozialekin lan egiten da eta komunitatea eraldatzen lagunduko duten kontzientziazio kanpainak lantzen dira.
Etorkizun hurbilean ikasleek aurre egin beharko duten lan merkatuaren errealitatea ezagutzeko aukera ematen du, bide ezberdinak hartu dituzten pertsonen hitzak entzunez eta eztabaidarako espazioak sortuaz. Enpresetako hainbat hizlariz errealitate desberdinak gerturatzen dituzte unibertsitatera: ekintzailetza, merkatuen nazioartekotzea, berrikuntza hazkunde motor gisa, eta ikerketa ibilbidea besteak beste.
"Ona da ekintza bihurtzen den ideia edo hitza" - J. M. Arizmendiarrieta
"No solitarios sino solidarios" - J. M. Arizmendiarrieta
"Nekez barkatu ahal zaiguna da gainditze espiritu eza" - J. M. Arizmendiarrieta
